Magandang Umaga

	Magandang umaga sayo binibini
	ang aking munting pagbati
	na may nakalakip na ngiti

	Noong una kang nakita
	ikaw ay minahal na
	dahil sayong ganda

	Ganda ng mukha
	tamis ng salita
	ningning ng mata

	Kahit di mo mahalin
	ay di matatanggal ang damdamin
	na pinilit kong buhayin

	Ngunit lahat ay may katapusan
	damdamin ay nababawasan
	pagmamahala ay nauubusan

	Ikaw ay nagpaalam
	umalis ng tuluyan
	ako ay nasaktan at iniwan

	Lumipas ang panahon
	na parang kahapon
	at dumating na ang ngayon

	Pag-ibig na di maipahiwatig
	matang sayo'y nakatitig
	ikaw na laging bukang-bibig

	Ngayon ay hindi na
	pag-ibig ay lumipas na
	pero ikaw ay ala-ala pa

	di kita malilimot 
	kahit ang pag-ibig ay masalimuot
	na may luha't lungkot

	Ngayon ay nakangiti
	habang sayo ay bumabati
	magandang umaga sayo binibini


				j.p. abad