Noong minsang nag-uusap
	tayo at magkadikit 
	ang siko natin

	Tinanong mo ako
	kung anong mangyayari
	sa atin limang taon
	mula ngayon

	Limang taon mula ngayon?
	
	Di ko talaga iniisip.
	Nakadikit kasi ang siko mo
	at ito ang laman ng utak ko.

	Limang taon mula ngayon?

	Malayo pa ito, ngunit 
	parang malapit na.
	Puno tayo ng pangamba.

	Sana lang limang taon
	mula ngayon, ganito pa rin
	tayo.
	Magkadikit ang siko.


		      j.p. abad