Relo
	na gumigising sa kin tuwing umaga
	parang puso mong gumising sa king
	damdaming tulog.
	
	Puyat
	pa ata na pinatay ang relo
	ngunit hindi ang damdaming kong
	gising na at humihingi ng kape

	Bawat
	tikatik ng relo ay parang
	tibok din ng puso mo, maingay
	dumadaan ang mga kamay
	sa mukha ng relo, sa numerong 	
	nagsasabing umaga na,
	naaalala ang kamay mong humahaplos
	sa mukha ko isang gabi na
	hawak ko hanggang mag-umaga.

	Relo
	isang gabing kinuha at inilagay
	sa aking tenga.
	Puyat 
	sa kaiiyak, inaalala na lang 
	ang minsan na masaya.
	Bawat
	tikatik ay para ring puso
	mong tumitibok.

	Di na kasama.

		
			    j.p. abad