Isang makulimlim na umaga
	Maraming patak ng ulan
	Isang tinig sa telepono
	Na marahil ay nagpapaalam

	Dagli akong sumugod 
	Sa malakas na ulan
	Nag-iisip, naglalakad
	Walang maintindihan

	Kung bakit ang lahat
	Na nagsimula sa ulan
	ay matatapos sa gitna
	Ng delubyo, karimlan

	Di ko na nais pang balikan 
	ang ala-ala ng umaagos na ulan
	Dahil ngayong gabi
	Tayo'y masayang nagtatawanan

	Sa gitna ng ulan.


			j.p. abad