Pinalungkot mo ako kamakailan
	Ikukuwento mo ang tungkol
	Sa basagulero mong kaibigan
	Nagkabatuhan ng bato at bote
	Muntik ka pang masaktan.

	O di kaya ang mga araw ng 
	walang humpay ninyong inuman
	at kung minsan ay nasa sulok
	ka ng 7-11 may san miguel na tangan
	tiutunga ang laman
	O ang H.R.M. night 
	Na dapat sana ay masaya
	Nauwi lang sa disgrasya

	Pinalungkot mo ako kamakailan
	Sa iyong paghahanap ng kaibigan
	Sa pag-iisip sa kinabukasan
	Tinatanong mo kung ano tayo
	Limang taon mula ngayon
	Nakakalungkot dahil wala akong
	Sagot dun

	Pinalungkot mo ako kamakailan
	Pinalungkot dahil
	Nasaan ba ako
	Nung araw na ang puso mo
	Ay walang laman
	Espiritung naghahanap ng kaibigan
	Ang iyong labing may nais sabihan
	Ng mga bagay na hnidi mo 
	Sinasabi kaninuman

	Pinalungkot mo pa ako
	Ng ilang beses
	Dahil sa pagkimkim mo
	Ng boses

	At pinalungkot mo pa ako
	Maraming beses
	Na rin kitang pinalungkot
	Mga noo'y kumukunot
	Sa tuwing babanggitin
	Ang pakiramdam ay masalimuot

	Pinalungkot mo ako kamakailan
	Ngunit pinasaya mo ang puso ko
	Sa pagdating mo bigla sa buhay ko
	At sana ay napasaya na rin kita
	Dahil ikaw na ang buhay ko

	At hindi na ako malulungkot
	Magpakailan pa man


			j.p. abad