Isang araw sa bahay ni Lola

	Magtataka ka sa dami ng bata
	o kung bakit
	nakangiti si Lola
	
	'maggigiling ka ha'

	Magtataka ka talaga dahil binigyan
	pa ako ng sigarilyo ng madamot
	kong pinsan

	'maggigiling ka ha'

	Si Lolo may abot pang 
	katas ng buko

	'maggigiling ka ha'

	Biglang nag-amoy macapuno
	sa bahay

	'o ano, maggiling ka na'

	'kaya pala'

	Nag-uwian na ang mga batang
	nagpaparamihan ng nakaing espasol.
	Ako ang pinakamalaking bata dito
	kaya malamang ako ang nanalo


			     j.p. abad