Lagi kang nakangiti
	ako nakasimangot
	lagi kang maligaya
	ako nakakunot

	Tinatawanan mo
	ang malaking problema
	pinoproblema ko ang 
	maliit na tawa

	Lagi kang masaya
	lagi akong malungkot

	Masaya mong hinaharap
	ang pighati
	malungkot kong tintangap
	ang tagumpay

	Ngunit ikinasisiya mo
	ang tagumpay ko

	At kung may problema
	ka man
	ako na lang ang malulungkot
	para sayo.


			j.p. abad