Paano Pumunt Sa Ibang Planeta

	Ganito ang paraan kung papaano 	pumunta sa Ibang Planeta

	1. Maghintay ng dyip na may 		   
	   signboard na: Ibang Planeta

	2. Parahin at sumakay
	   NOTE: Preferably sa harap, sa 	
	   may tabi ng driver umupo para 	
	   hindi lumampas.

	3. Magbayad nang apat na piso(o 	
	   kung ano ang minimum o flat rate 	
	   sa dyip. Minsan itatanong ng 	
	   driver kung ilan, kung mag-isa      
	   ka lang: isenyas ang daliri ng 	
	   isa, kung may kasama sabihin 	
	   kung ilan ang kasama. Pag sobra 	
	   ang ibinigay mong pamasahe,
 	   hintayin ang sukli o hingiin sa 	
	   driver pag nakalimutan.

	4. Wag matutulog sa dyip, baka ka
 	   lumampas. Di ka gigisingin ng
 	   driver(kaya nga sila driver at
 	   hindi alarm clock).
	   NOTE: Kung sakali mang makatulog
 	   ka, tandaan na ang iyong katabi
 	   ay pasahero ding gaya mo, hindi
 	   sila unan. Masasaktan ang
 	   kanilang damdamin.

	5. Mag-ingat din sa mandurukot.
 	   Karamihan sa kanila ay dito
 	   gumaradweyt sa dyip bago sila
 	   lumipat sa bus at palengke.

	6. Pag nakita mo na ang Ibang
 	   Planeta, pumara ka na para
 	   huminto ng dyip.

	   Mga paraan ng pagpara:

	   A. Sabihin ang 'para' ng malakas.
	   B. Tuktukin ang bubung ng
       	      tatlong beses at sabihin 'sa
 	      tabi lang'.
	   C. Sumutsot.
	   D. Sumipol.
	   E. Kung hawak mo pa ang
 	      sukli mo at meron kang
 	      barya, ipalo sa hawakan
 	      ang barya ng isang
 	      beses(ang ganitong
 	      pagpara ay naimbento ng
 	      mga kundoktor ng bus.
 	      Isang palo - tigil.
 	      Dalawang palo  - larga.).
		
	   NOTE: May isang paraan ng
 	   pagpara na kung saan ay
 	   tatapikin mo ng dalawang
 	   beses ang bubung at
 	   sasabihin ang salitang:
 	   hep-hep. Ngunit ito ay
 	   hindi halos ginagamit at
 	   hangang ngayon ay nasa
 	   experimental stage pa rin.
	
	7. Bumaba na at ingatang wag
 	   mauuntog at wala ring
  	   nakalimutan(payong,
 	   wallet, supot na may laman etc.) 
	
	At makikitang nasa Ibang Planeta ka na!

	Siguraduhin lamang na basahin 	
	at pag-aralang mabuti ang
 	guide na ito, upang maging
 	maayos at kaiga-igaya ang
 	inyong paglalkbay. Ugaliin
 	lagi na mag-ingat at tumingin
 	sa magkabilang dulo ng kalsada 
	bago tumawid.

	Masayang paglalakbay sa inyong lahat!


				j.p. abad